Pain free vs pain threshold rehabilitation

دايما واحنا بنتعامل مع حالات ال Rehab أو بنعمل روشتة تمارين علاجية المريض يسأل يادكتور وانا بعمل التمرين بيكون فى وجع ( ألم ) أكمل التمرين ولا أوقف !!

عشان نرد على السؤال ده لازم نعرف هل فى فرق بين التمارين لما تكون ( pain free )  أو تكون عند (pain threshold) 

وهل المريض هيستفيد من أنه يعمل تمرين وهو بيتألم !!

مبدأيا معنى ان المريض يعمل تمرين وهو بيتألم أن مستوى الألم لايزيد عن ٤/١٠ بالكتير أوى 

فى دراسة اتنشرت فى JOSPT سنة ٢٠١٩ على ٤٣ حالة بعد اصابة بتمزق فى Hamstring تم تقسيمهم لجروبين ، الجروب الأول نفذ بروتوكول تأهيلى Pain free

الجروب التانى نفذ نفس البرنامج التأهيلى عند pain threshold level 

والنتيجة كانت أى مفيش أى فرق فى مدة ( return to play )  بين الجروبين ، لكن الفرق كان فى تحسن isometric knee flexor strength and biceps femoris long head fasciale length 

الكلام ده يوصلنا لايه ؟!

أنك لو عامل برنامج علاجى سليم والمريض أثناء التمرين هيحس بشوية ألم مفيش مشكلة ، بل أنك ممكن تعمل التمرين لحد مستوى ألم متوسط لا يتخطى ٤/١٠ عشان تحقق نتايج أفضل ، خصوصا لو بتتعامل مع شخص رياضى ، طب لو الحالة اللى معاك انت شايف أن فى pain sensitivity عالية ومش مستحمل تمرين فيه ألم ، فمفيش أى مشكلة إطلاقا مش لازم تجبره لأن الوصول لنتيجة مرضية مش هيفرق كتير ( كوقت ) امشى مع المريض pain free exercise وهتوصل لنفس النتايج 

فى كام نقطة لازم تاخدهم فى الاعتبار....

١- انك ممكن تستخدم pain level during exercise  كمؤشر للتحسن فى حالة المريض

٢- انك لازم تكون عارف source of pain  يعنى لو بتتعامل مع ألم عضلى أو مشكله فى الاوتار مفيش مشكلة أن العيان يحس بشوية ألم ، لكن لو مشكلة مرتبطة بالأعصاب فالألم ممكن يعمل hypersenstiziation ويزود المشكلة

٣- تجربة الألم بتختلف من شخص للتانى وأهم حاجة أنك تتخلص من fear of movement due to fear of pain 

فلو بتتعامل مع شخص أنت شايف أنه لو حس بشوية ألم ولقى انه مفيش مشكلة ده ممكن يساعده على التخلص من الخوف ده ، يبقى خليه يعمل تمرين مع ألم خفيف ، والعكس لو شخص ممكن الألم يخليه يعمل avoidance  للتمرين